Blogspot ni moja kati ya majukwaa maarufu yanayotumika kwa ajili ya kuwapa watumiaji uwezo wa kufikisha habari kupotia blog. Hapa Tanzania, blog nyingi sana zimepata umaarufu kupitia blogpost. Kuna blog kama Issa Michuzi, Mjengwa blog na nyinginezo zimekuwa chachu sana kwa wana habari na kuwafanya nao kuanzisha blog zao.

Blogspot ina faida nyingi, ikiwemo urahisi wa utumiaji, kutokuwa na gharama ya uendeshaji kwa matumizi ya kawaida, hakuna gharama ya hosting kama haujavuka ujazo, nk, ingawa pia kuna hasara zake kama kutokuwa na umiliki wa moja kwa moja na taarifa zako kitu kinachowakimbiza wengi sana, pia kuna changamoto kwenye ukuaji wake pale unapoamua kuanza kumiliki website rasmi badala ya blogspot.

Unapojiunga na mtandao wa blogspot, utaweza kutumia anuani yenye jina la kwao, mfano dudumizi.blogspot.com, matumizi haya siyo tuu yanakufanya uonekane haupo makini (kuna watakaosema ameshinwa hata kununua domain name, kweli ataweza kuaminika?), bali ni ngumu kukumbukika kwa watumiaji wako.

Mfano unamomuambia mtu jina la website au blog yangu inaitwa dudumizi.blogspot.com, kuna wengine wanaweza kuandika blogsport baala ya blogspot. Na pia, kuna wengine hawatoitembelea kwa kudhani bado haujajiandaa mpaka unatumia vya bure.

Hivyo basi, moja ya njia unazoweza kutumia kuongeza uthamani wa blog yako ni kwa kutumia domain inayojitegemea (custom domain) na ukaingunisha na blogspot, hivyo siku ya mwisho watembeleaji watatumia jina la domain yako, domain hii mfano inaweza kuwa dudumizi.com, webhosting.co.tz nk. Kwa kutumia domain kama hizi utaweza kuziunganisha na kuachana na matumizi ya jina la blogspot.

Ili uweze kufanikisha hili, hatua ya kwanza kabisa unatakiwa kununua domain name, unaweza kupata domain yako kupitia duhosting.co.tz. Baaa ya hapo, utatakiwa kusajili blogspot yako kwenye blogger.com na ukaanza kuziunganisha.

Video chini inakuongoza hatua kwa hatua jinsi gani ya kununua na kuunganisha domain yako pendwa na blogspot.

Siku hizi, utengenezaji wa website umekuwa rahisi sana, kuna programu nyingi zinazoweza kukusaidia kutengeneza website, mfano wake ni kama Joomla, WordPress, Drupal nk. Kama ilivyo sehemu nyingine, utengenezaji huu wa Website huwa na matokeo chanya endapo kutakuwa na mipango thabiti kabla ya uanzaji wa utengenezaji wake. Hii inamaanisha kuwa, unatakiwa kufahami vitu msingi kwa website kabla haujaanza kutengeneza au kutafuta mtu wa kukutengenezea.

Katika mipangilio hii, kuna vitu vitakuwa vinafanya kazi chini kwa chini (behind the scene) na kuna vile ambavyo vinaonekana/kutumiwa moja kwa moja na wateja. Muunganiko wake, ndiyo huleta matokeo chanya yatakayokupendeza. Hebu tuangalie vitu hivyo;

1. Web hosting inayoaminika na ya uhakika (Reliable Website Hosting)

Web hosting mara nyingi hufananishwa na mwenye nyumba anayekukodisha frame kwa ajili ya biashara, inakuwaje endapo kila siku nyumba yake imefungwa, inavuja au mlango wa kuingilia wateja ni kadogo hivyo kusababisha msururu wa foleni kwa wateja wanaotaka kuingia madukani.

Web hosting company ya uhakika itahakikisha website yako ipo online muda wote na hata ikitokea imeenda offline, basi ni muda mchache na haijirudii rudii, pia watakuwa wanakupa ushauri pale kunapotokea matatizo na kuhakikisha usalama wa website yako. Haijalishi umetengeneza kwa mtindo gani, hakikisha unapa hosting ya uhakika kulingana na mahitaji yako, iwe ndiyo unaanza na ukachukua kifurushi kama cha Mikumi kinachopatikana Duhosting au kwa wale wenye wateja wengi wakaamua kutumia VPS au cloud, hosting lazima iendane na mahitaji yako. Kuna makala tumeandika Ufahamu Juu Ya Website Hosting Na Tofauti Zake inaweza kukusaidia kukupa mwanga pindi unapotaka kuchagua aina ya hosting inayofaa kwa website yako.

2. Content Management System (CMS)

CMS inakusaidia kuchunga website yako kwa urahisi, CMS ipo kwenye kundi la vitu vinavyofanya kazi chini kwa chini kwa sababu ni admin hutumia kwa ajili ya kufanya maboresho kwenye website. Kwa sasa kuna CMS nyingi na hata unaweza kuamua kutengeneza ya kwako mwenyewe kama wewe ni mpenzi wa code, ila kama utaamua kutumia nyingine zinazopatikana, zipo CMS kama WordPress, Joomla nk. CMS zimesababisha utengenezaji wa website kuwa rahisi sana kwa sababu huja na template kabisa zenye muonekano mzuri.

Ingawa CMS zimeleta uchanya mkubwa kwenye anga ya website, ila pia, zimeleta changamoto kubwa ya usalama kwa watengenezaji goigoi ambao hupachika kila kitu wanachokiona, na pia kuna wengine huokota cms majalalani na kutengenezea website ambazo siku za mwisho huwa si salama na wadukuzi huzivamia na kufanya watakalo.

3. Search Engine optimization (SEO)

Kwa dunia ya sasa, kufanya SEO ni kitu cha lazima, hii ni kwa sababu ushindani umekuwa mkubwa sana, leo hii kuna mamia ya website zinazofanya kitu kimoja, na tena ujio wa Internet umeondoa mipaka, unajikuta ushindani hauishii kwenye mipaka ya Tanzania peke yake, bali unashindana na watu kutoka dunia nzima. Hivyo, ni lazima upambane.

Kumbuka, kila mtu anataka kutokea kurasa ya kwanza kwenye matokeo ya utafutaji wa Google, hivyo si kazi rahisi. Mfano mzuri, Dudumizi tumekuwa kurasa ya kwanza kwa miaka zaidi ya mitatu kwa huduma zetu za Website Design, Website Hosting na hata Domain registration hii ni kwa sababu ya kuifanyia kazi SEO.

Siku hizi, SEO imebadilika sana, unatakiwa sana kuzingatia ubora wa taarifa zako unazoweka mtandaoni, kujua keywords zako, na pia kuhakikisha website yako inafunguka hata kwa watembeleaji wa simu (Mobile ready).

4. Mobile friendly

Takwimu zinaonesha kuwa, watembeleaji zaidi ya 50% wanatumia simu za mkononi kutembelea website, hivyo ni lazima uhakikishe kuwa website yako inafunguka vyema kwenye vifaa vy amkononi kama simu, tablet, laptop ndogo nk. Ukiwa na webiste inayoonekana vyema kwenye vifaa vya mkononi pia itakusaidia sana kwenye SEO kwa kupata maksi zaidi, Google hupenda kurasa zinazosomeka vyema na vifaa vya mkononi.

5. Analytic

Huna usemi wanasema, kama hautopima, basi ni ngumu kuja kuboresha. Analytic zinakusaidia kujua muenendo wa website, pia inakupa taarifa juu ya watembeleaji wanakujaje, hutembelea page zipi na huondokea page zipi, hii inakupa nafasi hata ya kujua wapi uweke tangazo gani.

Tunapoangolea analytic, ni tofauti sana na zile zinazoonesha idadi tuu, mara nyingi wateja wetu wamekuwa wanasema nataka counter kwenye website yangu. Ukiwa na counter pekee, haitotosha kukupa taarifa nzuri zaidi. kwenye analytic unaweza kutumia Google Analytic ambayo pia inapatikana bila gharama yoyote ya ziada.


6. Kuunganisha na Mitandao ya kijamii

Siyo lazima uwepo kwenye mitandao yote ya kijamii, bali unatakiwa kuchagua ile unayoweza kuimuda na kuunganisha na website yako, makala utakuwa unazituma kutokea kwenye website kwenda kwenye mitandao jamii, mtu anayetembelea website yako awe na uwezo wa kuona nini kinaendelea kwenye mitandao jamii. Huu muuunganiko utahakikisha wateja wako wanapata taarifa zenye kujitosheleza na kukuongezea maksi zaidi.

Nini kinafuata?

Baada ya kujua vitu vya muhimu kwenye website, sasa utakuwa na shauku ya kuwa na Website yako, unaweza kupata quotation hapa, na kama utataka kuwa na hosting, tembelea Duhosting.

.tz domain ni aina mojawapo ya domain ambayo ni vikoa vya nchi. Kama ilivyo kwenye namba za simu ambapo +255 humaanisha Tanzania, basi, .tz nayo ni moja ya utambulisho wa Tanzania.  Kama makala zilizopita, tuliangalia Faida Kuu 5 Za Kutumia .Tz Domain Kwenye Biashara , hivyo si jambo la kujiuliza tena juu ya kusajili ama kutosajili .tz domain.

Video inayoonesha hatua za kusajili .tz domain

.tz domain registration haina utofauti na usajili wa domain nyingine kama za .com, .org au .net hivyo tuangalie hatua chache utakazopitia kwenye kusajili .tz domain; (Registering .tz domain is very easy, just like .com, .org, please visit  Our Hosting Website and follow these steps;)

1. Nenda https://duhosting.co.tz na uandike .tz domain unayoitaka, mfano domainname.co.tz (To register your .tz domain, visit duhosting website and search your preferable domain)

 

2.Hakukisha domain ipo. (Confirm availability)

Ili domain isajiliwe, inatakiwa iwe haijasajiliwa popote, kwa lugha ya rahisi, ni domain moja tu yenye jina na kikoa vinavyofanana linaweza kusajiliwa. Kama domain ipo available, utaona maandishi ya kijani na neno hongera, bonyeza add to cart mara mbili kuendelea,

(Please confirm if your domain is available, you can only register one domain per extension, meaning only one name for .tz,  only one mydomain.co.tz domain can eist at a time. If your domain is available, please click add to cart) 

 Domain Registration

 

Kama domain name yako imeshachukuliwa, utaona taarifa kuwa limeshachukuliwa, na utatakiwa kutafuta tena kwa jina lingine. (if its not available, you will see taken notice, please search again with different keywords)

4. Chagua NS management na kuweka name server.(Update name server  and DNS management)

Name servers zitahitajika kwenye kumanage domain yako, endapoutafanya Website Hosting na Dudumizi, basi hakuna haja ya kubadili DNS. baaa ya hapo, bonyeza Continue kuendelea.

Please choose NS management and input your name servers, Name servers are required for management of your .tz domain. If you will host with Dudumizi, just leave the default ones, otherwise please put your name server . You can get it from your hosting provider. Press continue for the next step.

Looking for Tanzania Domain name and Hosting compnies

 

5. Malizia kucheckout (checkout)

Buy Domain name .tz Tanzania

Hatua inayofuata ni kuhakikisha vilivyomo kwenye cart, kama vipo sawa, basi bonyeza checkout.

After confirming all details are correct, including packages and prices, please checkout.

 

6. Jaza taarifa zako na uchague njia ya malipo. (Fill in your personal details then choose payment method. )

Website Design In Tanzania

 

Tafadhali jaza taarifa zako na uchague njia ya malipo. Tunapokea malipo kwa njia ya simu au moja kwa moja ofisini kwetu.  Baada ya hapo bonyeza

Please fill your details, in this page, you will be able to choose payment method. Remember, you can pay immediately after finishing this process or even later. We keep orders for some times before deleting it. After that please complete order.

Katika dunia ya leo ya mapinduzi ya Internet, website, Application za simu na hata mifumo ya komputa (Systems), vimekuwa ni nyenzo thabiti katika maisha ya binadamu. Wengi wetu tumekuwa tukitumia mifumo hii bila kujua jinsi inavyofanya kazi au ni wapi inapokaa. Ingawa kwa mtumiaji, hiyo si kitu muhimu, muhimu ni kuwa, inapatikana pale anapohitaji. Ila, upatikanaji huu huweza kuathiriwa na wapi mifumo inakaa. Na, kitendo cha kuwezesha mifumo hii kupatikana kutoka pale inapokaa, ndiyo tunayoiita Hosting, ama wengi wanavyoita Webste Hosting. Website Hosing, imegawanyika katika makundi mengi sana, kuna Shared, VPS, Dedicated Server au Cloud Hosting.

Kwa Tanzania, watumiaji wengi hutumia aina ya shared hosting (website zaidi ya moja kuwa sehemu moja), aina hii ya hosting imekuwa na msaada kwa wengi, hii ni kwa sababu ya urahisi wake katika gharama na hata uangalizi wa mazingira ya hosting kwakuwa kama mmiliki wa Website, hauhitajiki kuchunga mazingira hayo bali kwa yule anayetoa huduma (Website Hosting Company), mfano wa watoa huduma ni Duhosting.

Ili kuweza kuelewa, hebu tuangalie aina mbalimbali za Website Hosting.

Dedicated Hosting

Aina hii ya hosting ni ile ambayo, unakuwa na umiliki wa server nzima mwenyewe. Inaweza iwe kwenye sehemu yako (kama maofisi mengi wanavyofanya) au ya kukodisha server online. Aina hii ya hosting huwa tunaifananaisha na mtu kujenga ama kukodisha ghorofa nzima.

Faida ya dedicated server ni kuwa, unakuwa na hazina (resources) za kutosha, pia spidi na usalama unakuwa wa hali ya juu kama utaweza kufanya maboresho ya kiumfumo (optimization) yanayotakiwa.

Aina hii inawafaa sana, makampuni makubwa, watu binafsi wanaotaka kuanza biashara ya Hosting au wale wanaomiliki website zenye mahitaji makubwa ya resources, kama makampuni ya betting.

Hasara zake ni kuwa, unahitaji waangalizi na wataalamu wa kutosha watakaochunga server yako. Pia, gharama zake huwa ni za juu ukilinganisha na aina nyingine za Hosting.

Virtual private Server (VPS)

Aina hii, haina utofauti sana na Dedicated Hosting, kimsingi, VPS hutokea baada ya Server moja kugawanywa (partitioned) kwa kutumia software na kuwa server zisizo bayana (Virtual) zaidi ya moja zinazojitegemea kimfumo. Hivyo, hardware zitakazotumika ni zilezile isipokuwa kwenye software, kila VPS itakuwa inajitegemea kabisa. Hivyo, VPS kuna sehemu inakuwa kama Dedicated Hosting ila kuwa sehemu inakuwa siyo.

Faida kuu ya VPS ni kuwa, ina sifa nyingi za Dedicated ikiwa kama matumizi binafsi ya hazina (dedicated resources) na hata usalama (ingawa kuna mazingira hatarishi huweza kuathiri VPS kutokea kwenye VPS nyingine iliyopo kwenye server moja).

Mfano halisi wa VPS, ni sawa na ndani ya ghorofa moja, litakatwa wings, na kila wing ikawa inajitegemea kila kitu, hivyo kwa watu wa wing ile, wanajiona kama wapo kwenye ghorofa lao wenyewe.

VPS, huwafaa sana watu wenye website zenye kutembelewa na watu wengi (high traffic), mfano, website ya habari/blogs au zile zenye mahitaji maalumu, mfano kwa website zinahitaji kipachiko (extensions) nyingi kuliko zinazopatikana katika mazingira ya kawaida. Pia, aina hii ya Website hosting inawafaa sana watu wenye kuhitaji kuanzisha huduma ya Website Hosting ila hawana mtaji mkubwa kuweza kumiliki Dedicated server, au wale wenye mahitaji maalumu ambapo hawapendelei kuchanganyika na wengine.

VPS, pia inakupa uwezo mkubwa wa kujibrand, hii ikijumuisha kutumia IP na Name Server zako mwenyewe (Dedicated IP). Na pia, unakuwa na uwezo wa kuinstall program nyingi. Ingawa kuna baadhi ya program, hauwezi kuinstall kwenye VPs kama, VPN (Virtual Private network) Server.

Tofauti ya VPS na Dedicated server huwa kwenye utendaji kazi na hata ukuaji, mfano, ukiwa na Dedicated server na ujazo (storage/space) ikawa imejaa, ni rahisi kuongeza ujazo bila kuhama, kitu ambacho si rahisi kwa VPS za kukodisha.

Shared Hosting

Shared hosting ni aina ya Hosting ambayo ndani ya server moja, huhost website zaidi ya moja na website hizi hugawana hazina (resources) zilizomo. Kwa, shared Hosting nyingi, kila website inayo uwezo wa kutumia resources zozote zilizomo mpaka zitakapokwisha, hivyo ufanyaji wake kazi hutegemeana sana na jinsi resources hizi zinavyotumika. Na ndiyo maana, kama kuna Website moja inatumia sana resources, huweza kufanya nyingine kuathirika kwa kuwa na spidi ndogo au zisipatikane kabisa.

Shared hosting, unaweza kuifananisha na nyumba ya kupanga ambapo ndani ya nyumba moja, kuna vyumba vingi ambavyo kila kimoja kina mpangaji wake. Hivyo, kama mpangaji mmoja atafungulia redio kwa sauti ya juu, basi wapangaji wengine wote watasikia makelele.

Shared hosting ni kundi ambalo watu wengi huangukia, ni kundi ambalo halihitaji utaalamu mwingi kuweza kulitumia, na hata upatikanaji wake huwa kwa bei nafuu sana. Mfano, Duhosting tunatoa huduma hii kwa kuanzia Tsh5000/= kwa mwezi.

Shared hosting huwafaa sana wale wenye website ndogo au walio na bajeti ndogo ya kuanzia. Ni chaguo la haraka kama ndiyo unataka kuanza safari yako online. Mara nyingi, gharama halisi ya shared hosting hutofautishwa kwa kiwango cha ujazo (Storage/space), mfano 1GB, 2GB nk huku watoa huduma wengi huwa hawaweki ukomo wa mafaili yanayoweza kupita (bandwidth).

Shared hosting ina faida nyingi, kama gharama zake kuwa chini, urahisi wake kwenye matumizi, na pia haihitaji uelewa sana wa uchungaji wa server. Ila, ina hasara zake, kama kutokuwa na uhakika wa resources utakazopewa, spidi kuwa ndogo na hata usalama wake.

Ukiangalia kwa umakini, iwe Dedicated server, VPS au Shared Hosting, matumizi yake na faida hutegemeana na sababu na aina ya website yako. Shared hoting imekuwa ni kimbilio la wengi wakati Dedicated server ni kwa ajili ya wale wanaohitaji hazina ya kutosha. Katika makala zijazo, tutaangalia aina nyingine ya Hosting ambayo leo hatujaigusia, nayo ni Cloud Hosting.

SSL Certificate ni cheti cha kieletroniki chenye taarifa muhimu zinazohusiana na Kampuni au mtu. Pindi funguo zenye taarifa ya cheti hiki zinapofungwa kwenye seva, basi husababisha browser kuonesha alama ya kufuri likimaanisha kuwa mawasiliano yote kati ya seva na browser yatapita kwenye njia salama. Mara nyingi, mtindo huu hutumika sana kulinda taarifa muhimu kama kwenye mabenki, manunuzi ya online na sehemu yoyote online inayopokea taarifa muhimu za mtumiaji.

Kwa siku za karibuni, tumeona ongezeko la matumizi ya SSL Certificates hata kwenye websites za kawaida ambazo hazipokei taarifa za watumiaji. Hii ni kwa sababu, mtandao wa utafutaji wa taarifa za mtandaoni (Google Search Engine) wameweka SSl certificate kama moja ya vigezo vyake katika upangaji wa utafutaji wa taarifa, hivyo watu wengi wameamua kutumia fursa ili kujiweka katika nafasi nzuri ya upatikanaji kwenye mitandao (online visibility).

Je SSL Certificate inatambulisha nini;

Kwenye kila SSl Certificate, kuna mambo vitu viwili

  • Jina la website na seva iliyopo
  • Taarifa za mmiliki (eg jina, aina ya biashara, anuani nk)

Kabla ya kuanza kutumia SSL Certificate, unahitajika kuinstall SSL Certificate kwenye seva. Mara unapomaliza, mawasiliano yote kati ya seva na watumiaji yatapita kwenye njia salama. Moja ya ishara kuwa mawasiliano yanapita kwenye makubaliano yaliyo salama, utaona ile alama ya HTTP imebadilika na kuwa HTTPs, na pia kuna kufuri la kijani kabla ya anuani kuanza. Kuna aina nyingine za SSl Certificate huifanya sehemu yote ya anuani (address bar) kuwa ya kijani na jina la kampuni huanza kutokea kabla ya kuanza kwa anuani.

Muundo wa SSL Certificate;

SSl hutumia kitu kinachoitwa Public key cryptography. Hii ni moja ya cryptography inayotumia namba mbili zinazounda kutokana na msururu wa namba zilizochanganywa changanywa, kwa lugha ya kitaalamu faili hili huitwa funguo(key) kwa sababu ndilo hutumika kufunga na kufungua taarifa kwa mpokeaji. Funguo hizi zimegawanyika katika makundi mawili, moja huitwa funguo ya nje(public key) wakati nyingine huitwa funguo ya ndani (private key). Kimsingi, taarifa hufungwa kwa funguo ya nje, na hufunguliwa na funguo ya ndani, hivyo kama hauna funguo ya ndani, basi hautokuwa na uwezo wa kufungua na kuona ulichotumiwa.

Funguo ya nje hujulikana na server yako ila hutolewa kwa mtu yoyote anayetumia web,na hii ndiyo hutumika kufunga taarifa kabla haitajumwa. Na ile private key hujulikana ndani tuu n, kumbuka, private key hutengenezwa pale unapoanza mchakato wa kutengeneza SSL Certificate. SSL Certificate huanza kutengeneza kwa kukusanya taarifa za umiliki utakaotumika kwenye kutengeneza cheti. Taarifa hizi hujumuishwa kwenye taarifa inayoitwa Maombi ya usainishaji (Certificate Signing Request, CRS). maombi haya hutumika na kujumuishwa kwenye utengenezaji wa SSL Certificate.

Jinsi SSL inavyofanya kazi;

Mfano, Juma anamtumia Yohana ujumbe, basi kwakuwa ufunguo wa nje wa seva itakayopokea taarifa za Yohana unajulikana, basi Juma atafunga taarifa kwa kutumia ufunguo wa nje (public key) wa Yohana na kuituma taarifa. Njia pekee ambayo Yohana atatakiwa kuitumia ili kuiona hii taarifa ni kwa kuifungua kwa kutumia funguo ya ndani (Private key). Kwakuwa ni Yohana pekee ndiye mwenye huu ufunguo wa ndani (private key) basi, ni yeye pekee ndiye atakuwa na uwezo wa kufungua hii taarifa.

Endapo katikati kukatokea hacker ambaye atavamiwa mawasiliano haya na kuiba taarifa kabla hazijafunguliwa na Yohani, hatoweza kuelewa kitu maana atakutana na taarifa iliyofungwa (cryptographic code).

Tukirudi kwenye ulimwengu wa Website, mawasiliano yote hutokea kati ya Website na seva, hapa kwetu, Juma na Yohana ndiyo website na seva zetu.

Kwanini unahitaji SSL Certificate kwa Website ya biashara yako

Ukiacha sababu za kuongeza daraja la website kwenye mitandao ya utafutaji, SSl Certificate ikakusaidia;

  • Kuongeza usalama wa taarifa kati ya mtumiaji na seva
  • Kuongeza uaminifu kwa wateja
  • Kuboresha biashara kwa kuvutia wateja zaidi

Jinsi ya kununua SSL Cerificate (Where to buy SSl Certificate in Tanzania)

Unaweza kununua SSLcertificate kutoka kwa makampuni mengi yanayotoa huduma za Website Hosting na kuinstall kwenye seva yako. Ila, kama ilivyo ada, kununua kutoka kwa makampuni ya karibu hukurahisishia pindi unapokutana na changamoto, pia ni rahisi kwenye njia za malipo maana unaweza kununua hata kwa kutumia malipo ya simu kama Mpesa na Tigo pesa, au hata cash.

Mambo ya kuzingatia kabla ya kununua SSL Certificate

Kuna vitu vya msingi unatakiwa kuzingatia kabla ya kununua SSl Certificate navyo ni;

  • Hosting wako anaruhusu matumizi ya SSl kutoka njia

Kwa wale wanaotumia blogger, hauna uwezo wa kuinstall SSl Certificate iliyonunuliwa nje ya blogger kwa sasa, hivyo ni vyema ukainunua kutoka kwao. Hii pia hutokea kutoka kwa mitandao mingine inayotoa huduma ya free hosting.


  • Aina ya SSL unayohitaji

Kuna aina nyingi za SSl, hivyo ni bora ukajua ni aina gani unahitaji, aina kuu zinazotumiaka na wateja wengi ni kama;

  • SSL Certificate kwa ajili ya Website moja (www na isiyokuwa na www)
  • SSL Certificate kwa ajili ya Website na sub domain zake zote
  • SSL Certificate kwa ajili ya domain zaidi ya moja
  • SSL Certificate yenye mkanda wa kijani (EV)

Pia, ni vyema ukanunua SSL Certificate kutoka kwa makampuni yenye kuaminika. Kwa sasa Dudumizi tunatoa hii huduma, na unaweza kununua SSL Certificate Hapa.

Search your Domain

 

Follow us on Facebook

  • Website Hosting

  • 80000Tsh

  • /Year
    • 1Gb Web Space
    • Unlimited Email Accounts
    • Free Website Builder
  • Subscribe
Call us now